Para mellorar a eficiencia no uso do territorio, e obter máis produción de madeira na mesma superficie, Ence mantén un complexo programa de investigación encamiñado a mellorar de forma continua a planta empregada nas plantacións de eucalipto.

O programa, a partir da identificación de individuos sobresaíntes –árbores plus- desenvolve unha selección daqueles que salientan pola súa produtividade en madeira, rectitude e limpeza de fuste, capacidade de rebrote, resistencia a condicións adversas e perfecto estado sanitario, cando son comparados co resto das árbores que os rodean. Posteriormente, mediante técnicas de propagación vexetativa e reprodución sexual (a través de cruces controlados) obtén individuos superiores nas características seleccionadas, que despois se reproducen nos nosos viveiros para o seu uso nas plantacións.

A primeira xeración de planta mellorada coñécese coma F0. Actualmente, Ence produce planta mellorada de segunda xeración, F1, produto de cruce e reprodución de F0. Este programa de selección non realiza ningunha manipulación xenética das plantas.

¡A que vostede ten nas súas mans é a planta mellorada que Ence usa nas súas propias plantacións.!

Os datos que se ofrecen a continuación reflicten cifras medias obtidas da experiencia en plantacións de Ence durante 10 anos. Dependendo de factores relacionados co chan, o clima, as pragas e enfermidade, plantación e silvicultura, estas cifras poden ser diferentes. A información ofrecida é a título ilustrativo e non representa un compromiso por parte do vendedor.

Vantaxes da planta mellorada

1. Maior supervivencia por hectárea de plantación, superior 90%.
2. Crecemento medio anual. (Incremento de produción por hectárea)
   No Inventario Forestal Continuo (IFC) do Norte.
   - F0 vs. semente, superior ao 30%, aos 9 anos.
   - F1 vs. F0, superior ao 30% aos 5 anos.
3. Quendas máis curtas. De 10 a 12 anos.
4. Maior aproveitamento.
5. A homoxeneidade das plantacións reduce o custe do aproveitamento mellorando a súa rendibilidade. Mellor forma. (Maior rectitude respecto á semente).
6. Menos susceptibilidade á Mycosphaerella, por rapidez no cambio de folla xuvenil a adulta (en función da planta seleccionada)
7. Mellor resistencia á seca.
8. Mellor calidade de la madeira.

A evolución do crecemento medio

Certificación Ambiental:

As actividades industriais de Ence lévanse a cabo conforme a unha estratexia de sostibilidade e de mellora continua, de acordo ao establecido na Política de Xestión do Grupo. Esta Política de Xestión baséase na integración dos distintos Sistemas de Xestión sobre os que se desenvolve a actividade diaria (calidade, medio, prevención de riscos laborais, cadea de custodia e xestión forestal sostible), a través dos cales o Grupo certifica o seu compromiso cos clientes, cos seus traballadores e en xeral coa sociedade.

Xestión da Calidade


As filiais de Ence e as súas fábricas contan co certificado segundo a norma internacional ISO 9001.

Xestión do Medio Ambiente

A xestión ambiental das tres fábricas do Grupo está así mesmo certificada de acordo coa Norma ISO 14001. Por outra parte, os centros de produción están adheridos e contan co rexistro do Sistema de Ecoxestión e Ecoauditoría (EMAS).



As filiais forestais e de servizo de Ence dispoñen igualmente de Sistemas Integrados de Xestión certificados segundo a Norma UNE-NO ISO 14001.

Xestión Forestal Sostible e Cadea de Custodia

As dúas filiais forestais de Ence en España, Silvasur Agroforestal e Norte Forestal, foron pioneiras na implantación de programas de certificación forestal da súa xestión, sendo, ademais, as primeiras empresas en obter os certificados en xestión forestal na Península Ibérica, incluíndo a certificación da Cadea de Custodia.

Información a Disposición Pública

A empresa tamén pon a disposición de calquera interesado que así o solicite a posibilidade de consultar senllos data room situados nas oficinas de Ence con máis información relevante sobre a xestión das masas forestais como son: listado completo de montes xestionados, plans de Xestión, cartografía detallada, documentación do Sistema de Xestión (procedementos, instrucións, especificacións e impresos, avaliación de riscos de provedores de madeira, lista actualizada de grupos de produtos, avaliación de aspectos ambientais, manual de Boas Prácticas Forestais, boletíns Informativos internos e a Norma Silvícola.

Para consultar dicha documentación y/o mantener una entrevista con técnicos especializados en las áreas de gestión, puede enviar un correo a Este enderezo de correo está a ser protexido dos robots de correo lixo. Precisa activar o JavaScript para velo. con sus datos de contacto, identificándose como parte interesada y exponiendo brevemente sus intereses. Una vez recibida su solicitud, nos pondremos en contacto con usted para concertar una vista a nuestras instalaciones.