Ence ocupa unha posición de provedor estratéxico na industria do papel en Europa, destacando o seu liderado dentro dos segmentos de tisú, especialidades e papel impresión e escritura.
A compañía é o líder europeo en produción de celulosa de eucalipto branquexada (BEKP) e segundo en vendas. A celulosa de Ence procede nun 100% de plantacións forestais que garanten unha orixe controlado e sostible da madeira. A súa capacidade de produción superior a 1.300.000 t/ano, representa case o 60% da oferta de celulosa de mercado de eucalipto fabricada en Europa.
As fábricas de Ence, incluída a xestión comercial e de vendas, contan coa certificación da Cadea de Custodia, o que cobre a fase entre a recepción de madeira e a entrega da celulosa aos clientes, segundo os dous esquemas internacionalmente recoñecidos, PEFC (Programme for the Endorsement of Forest Certification) e FSC (FSC (Forest Stewardship Council).
Ence comprométese a que a madeira empregada no seu proceso produtivo exclúe explicitamente as seguintes orixes:
- Madeira extraida ilicitamente.
- Madeira aproveitada en violación de dereitos tradicionais e civís.
- Madeira aproveitada en bosques cuxos altos valores de conservación estean ameazados polas actividades de manexo.
- Madeira aproveitada en bosques que se estean a converter a plantacións ou usos non forestais.
- Madeira proveniente de bosques nos que se planten árbores modificadas xeneticamente.
Así mesmo, Ence mantén a disposición pública, mediante solicitude específica a través do contacto electrónico que se indica nesta web, os documentos de Cadea de Custodia relativos
Ence, primeiro xestor forestal de España
A creación de patrimonio forestal, a investigación aplicada ao rendemento das especies, o seu cultivo, coidado e mantemento para a extracción de madeira e biomasa constitúen as nosas actividades principais en materia forestal.
Para iso, desenvolvemos unha xestión forestal transparente, eficiente e responsable, aplicando os criterios de responsabilidade empresarial máis esixentes e recoñecidos a nivel internacional.
Deste modo, Ence foi pioneira en acometer proxectos de certificación en España, non só das súas propias masas forestais, senón estendendo esta política ao seu ámbito inmediato fomentando a certificación das superficies dos seus socios e colaboradores.
Ademais, Ence pon todos os medios ao seu alcance para favorecer e potenciar a xestión do propietario forestal mediante a transferencia de coñecemento, a achega de planta mellorada a prezos competitivos, así como a través da formación e información e o desenvolvemento de programas de sensibilización ambiental.
Tal e como indica nas súas publicacións, Ence opera mediante un Plan de Xestión que integra un aproveitamento racional de todos os bens e servizos do monte, tanto os produtivos coma ecolóxicos e sociais.